منتدى cairo academy

اهلا وسهلا بك يا زائر في منتديات cairo academy

هام جدا لطلاب المعهد

نأسف لعدم وجود نشاط فى المنتدى
حيث نقوم الان بعمل منتدى مع شركة اخرى
داعين الله ان يكون افضل من هذا المنتدى
وسوف يكون المنتدى الرئيسى للمعهد
وبمشيئة الله سوف يفتتح المنتدى الجديد بحلول العام الدراسى الجديد
لكم منا اطيب الامنيات بالنجاح والتفوق
بأذن الله

                                                            الادارة


    محمود ابو اسماعيل(ربنا يخليك يا ريس)

    شاطر
    avatar
    الشافعى

    الجنس : ذكر
    الجنسية : مصرى
    القسم الدراسى : اعدادى
    عدد المساهمات : 154
    تاريخ التسجيل : 06/03/2010
    العمر : 26
    الموقع : www.rslan.com
    العمل/الترفيه : طالب ولله الحمد
    المزاج المزاج : ذلك الفضل من الله

    محمود ابو اسماعيل(ربنا يخليك يا ريس)

    مُساهمة من طرف الشافعى في الثلاثاء أبريل 06, 2010 11:32 pm

    انا
    محمود ابو اسماعيل مواطن مصرى من البراجيل


    من بدرى بصحى من نومى مستعجل بكوى هدومى

    عاوز اكل... عاوز افطر عشان انزل وابدا
    يومى


    لكن حظى طابونة العيش واقف عليها من
    الناس جيش


    شايل قفصى واقف مستنى شوية اصفر وشوية
    اغنى


    واخيرا ...فرجت يــــــارب وصلنى العيش
    وكله حب


    وركبت التوك توك علطول وسالنى على فين يا
    امور


    استغربت.. لكن كبرت ما انا مش فاضى
    واتاخرت


    وبعد ملل وطول انتظار وصلت البيت مخنوق
    حران


    لقيت طبق الفول مستنينى ومفيش غيره
    بينادينى


    اللهم لا اعتراض كده احسن للاقتصاد

    وجرى جرى على شغلى عمال افكر مشغول عقلى

    يا ترى المرتب وصل ولا لسة ويا ترى هشرح
    ايه فى الحصة


    واخيرا... وصلت المدرسة والمدير
    كلمنى بنرفزة


    ويقولى ها .. كنت فين اصله عنده عربية
    شاهين


    مش حاسس ببلاوى المواصلات ولا هم
    الاتوبيسات


    ما علينا طلعت الفصل طلبة بجد عندها اصل

    مفيش ولا طالب موجود يا بختك يا استاذ
    محمود


    فتحت الكشكول وقعدت افكر مصروف البيت
    ازاى يدبر


    مصاريف العيال هجيبها منين وايجار البيت
    فضله يومين


    والمدام عاوزة فستان اخر موضة شكله جنان

    لو قولتلها الشهر الجاى تحكى وتشكى
    للجيران


    يا حوستك يا استاذ محمود دى مصاريف ملهاش
    حدود


    وقعدت افكر طول الوقت انا خلاص عقلى شت

    واخيرا جرس المدرسة ضرب بالنسبة لى كانه
    طرب


    روحت البيت زى المجنون جعان ميت مخنوق
    مطحون


    وفجاة فقدت الحس لان الغدا كان عدس

    اكلت وخلاص وانا راضى نحمدك يارب يا عاطى

    وجريت عالسرير عشان انام لكن اعمل ايه فى
    المدام


    قعدت تتكلم وتحكى وانا خلاص قربت ابكى

    قولتلها ارحمنى عاوزة انام انتى ايه
    مبتبطليش كلام


    ايه مبتبطليش طلبات معندكيش غير هات هات


    وطبعا معرفتش انام قولت اذاكر للواد
    اسلام


    اقرا يا ابنى انطق قول لامتقوليش كده
    علطول


    براحة يا بابا عليا انا بس مش مذاكر
    الحتة ديا


    طيب يلا نذاكر حساب لا يا بابا بناخد
    بدلها العاب


    طيب يلا نذاكر انجليزى يا بابا خليك كول خليك
    ايزى

    اه واه واهااااااااات انا خلاص عقلى شاط

    حتى العيال مش نفعين امال احنا ليه
    عايشين


    حياة مملة والدنيا زحمة ومحدش لاقى كيلو
    لحمة


    وناس جعانة وشقيانة وناس بطونها مليانة

    ماتوطى صوتك .. وطى صوتك ولا يامحمود
    ناوى على موتك


    معلش ياجماعة كنت بهيس هو انا بحب حد اد
    الريس


    هو اللى مشبعنا ومخلى للحياة معنى

    من غيره ازاى هنعيش ازاى ناكل ازاى ملبس


    ربنا يخليك ياريس






      الوقت/التاريخ الآن هو السبت نوفمبر 25, 2017 4:14 am